নিয়মীয়া বাৰ্তা, ২৮ জুনঃ অভিলেখ গঢ়ি ধুবুৰীত আজিৰ আদাৰ খুচুৰা মূল্যই ট্ৰিপল চেঞ্চুৰী কোবায়। কালি ধুবুৰীৰ নিউ মাৰ্কেটৰ পাচলি বজাৰত কেজিপতি ২০০ টকা খুচুৰা মূল্যৰ পৰা এনিশাৰ ভিতৰত ১০০ টকা বৃদ্ধি পাই আজি বিয়লিৰ ভাগত বজাৰখনত কেজিপতি আদাৰ খুচুৰা মূল্য হয়গৈ ৩০০ টকা। ইপিনে, ধুবুৰীত এনিশাতে জলকীয়াৰ কেজি প্ৰতি খুচুৰা মূল্য ৪০ টকা বৃদ্ধি পায়। চহৰখনৰ নিউ মাৰ্কেটৰ শাক-পাচলিৰ বজাৰত বৰ্তমানে জলকীয়াৰ খুচুৰা মূল্য হ’ল কেজিপতি ২৪০ টকা। ইপিনে, ধুবুৰীত আজি বিলাহীৰ খুচুৰা মূল্য এনিশাতে ২০ টকা বৃদ্ধি হৈ হৈছে কেজিপতি ১২০ টকা।
প্ৰেৰক অমিতাভ চক্ৰৱৰ্তী