নিয়মীয়া বাৰ্তা, ১৩ নৱেম্বৰঃ পোহৰৰ উৎসৱ, দীপাৱলীৰ উদযাপনৰ মাজতে নিশা লংকাত স্কুটী আৰু বাইকৰ মাজত সংঘটিত এক ভয়াৱহ মুখামুখি সংঘৰ্ষত ৩জনকৈ বাইক আৰোহী যুৱক গুৰুত্বৰভাৱে আহত হয়। লংকাৰ শ্বিলং ৰোডত নিশা ৮:৫০ মান বজাত সংঘটিত হয় দুৰ্ঘটনাটো। আহত তিনিওজন যুৱককে লংকা প্ৰাথমিক স্বাস্থ্য কেন্দ্ৰত ভৰ্তি কৰোৱা হৈছিল যদিও অৱস্থা সংকটজনক হোৱাত তিনিওজনকে ততাতৈয়াকৈ হোজাই আৰু গুৱাহাটীলৈ উন্নত চিকিৎসাৰ বাবে প্ৰেৰণ কৰিবলগীয়া হয়। আহত তিনিজন যুৱকৰ ভিতৰত দুজনৰ নাম ক্ৰমে লংকাৰ সুৰজিৎ শীল, ক্ৰীছ শীল আৰু অভিনীত চৌহান বুলি জানিব পৰা গৈছে। স্কুটী আৰু বাইকৰ মাজত সংঘটিত হোৱা সংঘৰ্ষ ইমানেই ভয়াৱহ আছিল যে বাইকখনৰ সন্মুখভাগ ক্ষতিগ্ৰস্ত হোৱাৰ বিপৰীতে স্কুটিখন সম্পুৰ্ণৰূপে ভাঙি চূৰমাৰ হৈ পৰে ।
প্ৰেৰক অপূৰ্ব বৰঠাকুৰ