নিয়মীয়া বাৰ্তা, ২৪ ডিচেম্বৰ : কামৰূপ-গোৱালপাৰা জিলাৰ সীমামূৰীয়া হেকৰা-মিলনপুৰ বজাৰত দিন-দুপৰতে সংঘটিত হয় এক চাঞ্চল্যকৰ কাণ্ড। নিচাসক্ত যুৱকৰ ছুৰিকাঘাতত আহত হ’ল বজাৰৰ লেছী | দেওবাৰৰ পুৱাই এই শিহৰণকাৰী ঘটনা সংঘটিত হয়। বজাৰখনৰ লেচী মজনুৰ ৰহমানে খাজনা তুলি থাকোঁতেই জুল হুছেইন নামৰ এজন যুৱকে অতৰ্কিতে এখন ডেগাৰেৰে আক্ৰমণ কৰে লোকজনক | যুৱকজনৰ স’তে পূৰ্বৰ একো কাজিয়া-পেচালো নাছিল মজনুৰ ৰহমানৰ ! ঘৰ চিনি পায় যদিও মাতবোলো নাছিল বুলি উল্লেখ কৰে আহত মজনুৰ ৰহমানে | এই কাণ্ড সংঘটিত কৰা মাত্ৰেই ঘটনাস্থলীত উপস্থিত একাংশই যুৱকজনক আটক কৰি উত্তম-মধ্যম শোধায় আৰু পাছলৈ আৰক্ষীয়ে থানালৈ নিয়াৰ দিহা কৰে | দিন-দুপৰতে সংঘটিত এনে এক শিহৰণকাৰী ঘটনাক কেন্দ্ৰ কৰি অঞ্চলজুৰি চাঞ্চল্য আৰু কৌতূহল বিয়পে |
প্ৰেৰক সঞ্জীৱ কুমাৰ দাস