নিয়মীয়া বাৰ্তা ১২ আগষ্টঃ আজি ৰাজ্য চৰকাৰে টকিঅ’ অলিম্পিকত পদক জয় কৰি ইতিহাস ৰচনা কৰা বক্সাৰ শ্ৰীমন্ত শংকৰদেৱ কলাক্ষেত্ৰত সম্বৰ্ধনা জনায়। এই অনুষ্ঠানতে মুখ্যমন্ত্ৰী ড০ হিমন্ত বিশ্ব শৰ্মাই লাভলীনা বৰগোহাঁইক অভিনন্দন জনায় বক্তব্য ৰাখে।
মুখ্যমন্ত্ৰী ড০ হিমন্ত বিশ্ব শৰ্মাই অসম আৰক্ষীৰ ডি এছ পি চাকৰিত যোগদান কৰিবলৈ নিমন্ত্ৰণ কৰে লাভলীনা বৰগোহাঁইক। আজি শ্ৰীমন্ত শংকৰদেৱ কলাক্ষেত্ৰত অনুষ্ঠিত সম্বৰ্ধনা অনুষ্ঠানত এই বিষয়ে কয় মুখ্যমন্ত্ৰীগৰাকীয়ে। আনহাতে এই অনুষ্ঠানত লাভলীনালৈ আগবঢ়াই ১ কোটি টকাৰ চেক।
লগতে পেৰিছ অলিম্পিকলৈ প্ৰস্তুতি চলাবলৈ প্ৰতিমাহে লাভলীনালৈ ৰাজ্য চৰকাৰে আগবঢ়াব ১ লাখ টকৰা বিশেষ জলপানী। ইয়াৰোপৰি গুৱাহাটী মহানগৰীত লাভলীনাৰ নামেৰে নামাকৰণ কৰা হ’ব এটা পথ। লাভলীনাৰ চাৰিগৰাকী প্ৰশিক্ষকলৈয়ো অসম চৰকাৰে আগবঢ়ালে ১০ লাখকৈ টকা।
উল্লেখ্য আজি ৰাতিপুৱাই বিমানযোগে আজি পুৱা ৯ বজাত তেওঁ বৰঝাৰস্থিত লোকপ্রিয় গোপীনাথ বৰদলৈ আন্তঃৰাষ্ট্রীয় বিমানবন্দৰত উপস্থিত হয়। বিমানবন্দৰত টকিঅ’ অলিম্পিকত ব্রঞ্জৰ পদক বিজয়ী বক্সাৰগৰাকীক আদৰণি জনাই মুখ্যমন্ত্রী ড০ হিমন্ত বিশ্ব শর্মা আৰু ক্রীড়ামন্ত্রী বিমল বৰাই৷