নিয়মীয়া বাৰ্তা, ৬ মে’: অসম চৰকাৰৰ সামাজিক ন্যায় আৰু সৱলীকৰণ বিভাগৰ মন্ত্ৰী পীযুষ হাজৰীকাই আজি গুৱাহাটীৰ তিনিটা নিচামুক্তি কেন্দ্ৰ আকস্মিকভাৱে পৰিদৰ্শন কৰি কেন্দ্ৰকেইটাৰ আৱাসীৰ বাবে থকা সুবিধা অসুবিধাসমূহৰ বুজ লয় । মন্ত্ৰীগৰাকীয়ে ক্ৰমে আজি পুনৰ গুৱাহাটী মহানগৰীৰ ডাউন টাউন চিকিৎসালয়ৰ সমীপৰ “জীৱন দান ৱেলনেচ ফাউণ্ডেছন”, বেলতলা কলেজৰ সমীপৰ “ৰিদেমশ্যন ৱেলফেয়াৰ ফাউণ্ডেছন” আৰু খাৰঘুলী স্থিত “ফেইথ্ ফাউণ্ডেছন”ৰ দ্বাৰা পৰিচালিত তিনিটাকৈ নিচা মুক্তি কেন্দ্ৰকেইটা পৰিদৰ্শন কৰে ।
ইয়াৰে ফেইথ ফাউণ্ডেশ্যনৰ নিচামুক্তি কেন্দ্ৰটোত সৰু কোঠাতে জোখতকৈ বেছি আৱাসী থকা দেখা পাই মন্ত্ৰী হাজৰীকাই কেন্দ্ৰটোৰ স্বত্বাধিকাৰীক ইয়াৰ বাবে কঠোৰ সকীয়নি প্ৰদান কৰে । কেন্দ্ৰটোত থকা অতিৰিক্ত আৰু বিশেষকৈ আৰ্থিকভাৱে দুৰ্বল আৱাসীসকলক দুদিনৰ ভিতৰত চৰকাৰী ব্যৱস্থাত গঢ় লোৱা নিচামুক্তি কেন্দ্ৰলৈ স্থানান্তৰিত কৰিবলৈ মন্ত্ৰী হাজৰীকাই আজিৰ পৰিদৰ্শনকালত সংগ দিয়া সামাজিক ন্যায় আৰু সবলীকৰণ বিভাগৰ সঞ্চালকক নিৰ্দেশ দিয়ে । আনহাতে গোটেইকেইটা কেন্দ্ৰতে পৰিষ্কাৰ পৰিচন্নতা আৰু আৱাসীসকলৰ নিয়মীয়া স্বাস্থ্যপৰীক্ষাৰ ওপৰত বিশেষ গুৰুত্ব দিবলৈ মন্ত্ৰীগৰাকীয়ে স্বত্বাধিকাৰীসকলক নিৰ্দেশ দিয়ে ।
Today, I paid a sudden visit to three rehabilitation centres run by the “Jeevandaan Wellness Foundation” near Down Town Hospital, the “The Redemption Welfare Foundation” near Beltola College, and the “Faith Foundation” at Kharghuli in Guwahati city, and inspected if the patients… pic.twitter.com/SZMgvFiVde
— Pijush Hazarika (@Pijush_hazarika) May 6, 2023