নিয়মীয়া বাৰ্তা, ২৪ জানুৱাৰী : গণৰাজ্য দিৱসৰ প্ৰাকমূহুৰ্তত অসম-নাগালেণ্ড সীমান্তৰ মেৰাপানীত আৰক্ষীয়ে অভিযান চলাই পিষ্টলসহ এজন নগা যুৱকক আটক কৰিবলৈ সক্ষম হয়। মেৰাপানীৰ ইন্দ্ৰপুৰত আৰক্ষীৰ নাকা তালাচীত AS-01EB-4149 নম্বৰৰ এখন অল্ট’ বাহনত মেৰাপানীৰ দিশৰ পৰা নাগালেণ্ডলৈ গৈ থকা অৱস্থাত নগা যুৱকজনক সন্দেহবশত: তালাচী কৰাত তেওঁৰ হাতৰ পৰা ইটালীত নিৰ্মিত এটা পইন্ট ২২ পিষ্টলৰ লগতে নটাকৈ সক্ৰিয় গুলী উদ্ধাৰ কৰে। আৰক্ষীয়ে আটক কৰা নগা যুৱকজনৰ নাম টুমচেবেম’ জামি বুলি জানিব পৰা গৈছে। আৰক্ষীয়ে অধিক তথ্যৰ বাবে ধৃত নগা যুৱকজনক জেৰা অব্যাহত ৰাখিছে।