নিয়মীয়া বাৰ্তা, ২২ নৱেম্বৰঃ কামৰূপৰ টুপামাৰীত চকু চৰহা ব্যক্তিৰ কু-কাণ্ড, জ্ঞানৰ মন্দিৰ বিদ্যালয়ত শেন চকু পৰিল দুষ্টচক্ৰৰ। চুৰিকাৰ্য নহয় ,নিশা বিদ্যালয়ৰ বিভিন্ন সামগ্ৰী ভাঙি লণ্ডভণ্ড কৰিলে দুষ্টচক্ৰই। টুপামাৰী আৰক্ষী চকীৰ অন্তৰ্গত টুপামাৰী হাই স্কুলত কোনোবা দুষ্টচক্ৰই নিশা বিদ্যালয়ত সোমাই দমক’ল, ইকো পাৰ্ক’ৰ ৱাল’, মটৰৰ পাইপ, শ্ৰেণী কোঠাৰ চিলিং ফেন আদি ভাঙি লণ্ডভণ্ড কৰে। স্মৰ্ত্তব্য যে পূৰ্বেও অনুৰূপ ঘটনা সংঘটিত হৈছিল বিদ্যালয়খনত, জ্ঞানৰ মন্দিৰ বিদ্যালয়ত সংঘটিত এনে ঘটনাই অঞ্চলটোত তীব্ৰ চাঞ্চল্য বিয়পাইছে। মদ, ড্ৰাগছ আসক্ত নাইবা কোনো জুৱাৰী চক্ৰই এনে চকু চৰহা কাণ্ড সংঘটিত কৰা বুলি ৰাইজে সন্দেহ কৰিছে। ইতিমধ্যে ন্যায় বিচাৰি বিদ্যালয় কৰ্তৃপক্ষই টুপামাৰী আৰক্ষীত এক এজাহাৰ দাখিল কৰা বুলিও জানিব পৰা গৈছে।
প্ৰেৰক সঞ্জীৱ কুমাৰ দাস