🎯বিটিচিত সকলো নৰেন্দ্ৰ মোদীৰ লগত আছেঃ দিলীপ শইকীয়া
🎯তৃতীয়বাৰৰ বাবে নৰেন্দ্ৰ মোদীক প্ৰধানমন্ত্ৰী পতাৰ বাবে ভোট দিব ৰাইজেঃ দিলীপ শইকীয়া
নিয়মীয়া বাৰ্তা, ১২ মাৰ্চ : দলীয় টিকট লাভ কৰাৰ পিছত প্ৰথমবাৰৰ বাবে মাজবাট বিধানসভা সমষ্টিত উপস্থিত হয় সাংসদ দিলীপ শইকীয়া। ৰৌতাৰ বাথৌ ঠানচালিত দলীয় কৰ্মীসকলে ব্যাপক উৎসাহেৰে উষ্ম আদৰণি জনায় দিলীপ শইকীয়াক। দলীয় কৰ্মীসকলক লৈ আগন্তুক নিৰ্বাচন সম্পৰ্কে এক সভা অনুষ্ঠিত হয়। নিৰ্বাচনৰ দিন বাৰ ঘোষণা হোৱাই নাই। ৰাজ্যত বলিছে নিৰ্বাচনৰ গৰম বতাহ। দলীয় টিকট লাভ কৰিয়েই নিৰ্বাচনৰ সম্পৰ্কে দলীয় কৰ্মীৰ মাজত সংকল্প গ্ৰহণ আৰু মুখ্যমন্ত্ৰীৰ সাহায্য পুঁজি বিতৰণ কৰে দিলীপ শইকীয়াৰ। এক হাজাৰতকৈ অধিক কাৰ্যকৰ্তাৰ উপস্থিতিত দিলীপ শইকীয়াই দলীয় কৰ্মীৰ দায়িত্ব পালন কৰাৰ বাবে আহ্বান জনাই। দলীয় কৰ্মীয়ে নিৰ্বাচনৰ বাবে কঁকালত টঙালি বান্ধি মাজবাট বিধানসভা সমষ্টিৰ পৰা ৫০ হাজাৰতকৈ অধিক ভোটত জয়লাভ কৰাব বুলি মন্তব্য কৰে বিজেপিৰ প্ৰাৰ্থী দিলীপ শইকীয়াই। এই সভাতে বিপিএফৰ কেইবাগৰাকীও কৰ্মীয়ে যোগদান কৰে বিজেপিত। ইফালে আজি ওদালগুৰিত বিপিএফৰ এক বিশাল সভা অনুষ্ঠিত হয়। উক্ত সভাতে দৰং-ওদালগুৰি লোকসভা সমষ্টিত বি পি এফৰ প্ৰাৰ্থীয়ে একৰ পৰা ডেৰ লাখ ভোটত জয়লাভ কৰিব বুলি হাগ্ৰামা মহিলাৰীয়ে মন্তব্য কৰে। হাগ্ৰামা মহিলাৰীৰ এই মন্তব্যৰ পিছতে দিলীপ শইকীয়াৰ প্ৰতিক্ৰিয়া আগবঢ়ায়। দিলীপ শইকীয়াই কয় যে হাগ্ৰামা মহিলাৰীৰ বি পি এফ দলে এক লাখ ভোটো লাভ নকৰে দৰং-ওদালগুৰি লোক সভা সমষ্টিত। আগতে ভোট লাভ কৰক বি পি এফে। হাগ্ৰামা মহিলাৰীয়ে প্ৰাৰ্থী ঘোষণা নকৰাৰ আগতেই নিৰ্বাচনী ফলাফল ঘোষণা কৰাক লৈ হাগ্ৰামা মহিলাৰীক আগতিয়াকৈ শুভেচ্ছা জনালে দিলীপ শইকীয়াই। লগতে তেওঁ কয় যে বি টি চিত কোনো বিৰোধী দল নাই। বি টি চিত সকলো নৰেন্দ্ৰ মোদীৰ লগত আছে। দৰং-ওদালগুৰি লোকসভা সমষ্টিত বিপুল ভোটৰ ব্যৱধানত জয়লাভ কৰিব বুলি আশাবাদী বিজেপিৰ প্ৰাৰ্থী দিলীপ শইকীয়াৰ। এই সভাতে ১৮৪ গৰাকী ৰোগাক্ৰান্ত ব্যক্তিলৈ মুখ্যমন্ত্ৰীৰ সাহাৰ্য পূজিৰ চেক বিতৰণ কৰে সাংসদ দিলীপ শইকীয়াই। এই অনুষ্ঠানত উপস্থিত থাকে ৰাজ্যিক বিজেপিৰ মুখপাত্ৰ তথা ওদালগুৰি জিলা বিজেপিৰ সহ প্ৰভাতী ৰঞ্জিব কুমাৰ শৰ্মা, দৰং- ওদালগুৰি লোকসভা সমষ্টিৰ বিস্তাৰক বাতাছ ওৰাং, জিলা বিজেপিৰ সভাপতি সুনীল কুমাৰ বসুমতাৰী, বিজেপি যুৱ মৰ্চাৰ সভাপতি সমৰ হাজৰিকা, ৰাজ্যিক বিজেপিৰ কাৰ্যনিৰ্বাহক সদস্য জিতু কিষান, পাৰিষদ দীপক মৌৰ, মাজবাট বিধানসভা সমষ্টিৰ বিস্তাৰক সোমেশ্বৰ চনা, ৰৌতা মণ্ডল বিজেপিৰ সভাপতি ৰবিন দৈমাৰী, ধনশ্ৰী মণ্ডল বিজেপিৰ সভানেত্ৰী ৰাধেশ্বৰী বড়ো আৰু দলীয় কাৰ্যকৰ্তাসকল।
প্ৰেৰক বাপন শৰ্মা