নিয়মীয়া বাৰ্তা, ২ অক্টোবৰঃ কালি সন্ধিয়া গোৱালপাৰাৰ মাটিয়া থানাৰ অন্তৰ্গত নৱাগত শিমলীতোলা বজাৰত মাটিয়া আৰক্ষীয়ে এক অতৰ্কিত অভিযান চলাই এটা বৃহৎ জুৱাৰ ঘাটি উচ্ছেদ কৰাৰ উপৰি দহজনকৈ জুৱাৰীক আটক কৰিবলৈ সক্ষম হয়। মাটিয়া থানাৰ ভাৰপ্ৰাপ্ত আৰক্ষী বিষয়া সমীৰ কৰৰ নেতৃত্বত আৰক্ষীৰ এটা দলে বজাৰখনৰ হাৰ্ডৱেৰ দোকান এখনৰ পাছফালৰ এটা ৰুমত তাচপাতৰ জুৱা খেলি থকা অৱস্থাত হাতে-লোটে আটক কৰি সামগ্ৰীসমূহ জব্দ কৰি আটাইকে থানালৈ নিয়ে আৰু আজি মুঠ দহ জনকৈ জুৱাৰীক ন্যায়িক জিম্মালৈ প্ৰেৰণ কৰে। জুৱাৰ ঘাটি উচ্ছেদ আৰু দহ জুৱাৰীক আটক কৰাৰ খৱৰে চাঞ্চল্য বিয়পাইছে অঞ্চলজুৰি।
প্ৰেৰক সঞ্জীৱ কুমাৰ দাস