নিয়মীয়া বাৰ্তা, ৩ জানুৱাৰীঃ ধুবুৰীৰ বি. এন. কলেজ নগৰ আৰক্ষী চকীৰ এটি দলে এখন সৰু মালবাহী বাহনত গোপনে অনা বৃহৎ পৰিমাণৰ গো-মাংস জব্দ কৰাৰ সমান্তৰালকৈ দুজন লোকক আটক কৰা বুলি জানিব পৰা গৈছে। ঘটনা সন্দৰ্ভে জানিব পৰা মতে, গোপন তথ্যৰ ভিত্তিত বি.এন কলেজ ৰোড আৰক্ষী চকীৰ এটি দলে ধুবুৰী চহৰৰ পাৰ্শ্বৱৰ্তী ভেটা বজাৰ অঞ্চলত চলোৱা এক অভিযানত এএছ-১৭-চি-৩৪৩৭ নম্বৰৰ এখন ব’লেৰ পিক আপ ভেনত লুকুৱাই অনা বৃহৎ পৰিমাণৰ গো-মাংস জব্দ কৰিবলৈ সক্ষম হয়। ঘটনা সন্দৰ্ভত শহিদুৰ ৰহমান আৰু নমিজুল হ’ক নামৰ দুজন ব্যক্তিক আটক কৰি আৰক্ষীয়ে জেৰা চলাই থকা বুলি প্ৰকাশ।
প্ৰেৰক অমিতাভ চক্ৰৱৰ্তী