নিয়মীয়া বাৰ্তা, ১১মাৰ্চঃ দেশৰ লগতে অসমতো অস্তিত্বৰ সংকটত পৰিছে কংগ্ৰেছ। ধাৰাবাহিকভাৱে পৰাজয়ৰ গ্লানি সহিব লগা হোৱা কংগ্ৰেছৰ প্ৰতি যেন আস্থা হেৰুৱাই পেলাইছে দলৰ নেতাই। তাৰেই যেন প্ৰতিফলন ঘটিল নগাঁৱত। সদ্য ফলাফল ঘোষিত পৌৰসভাৰ নিৰ্বাচনত নগাঁৱত কংগ্ৰেছ দলটো ধূলিসাৎ হৈ পৰে। তাৰ পৰিপ্ৰেক্ষিতত ইয়াৰ বাবে দায়িত্ব স্বীকাৰ কৰি নগাঁও জিলা কংগ্ৰেছৰ সভাপতি তপন কুমাৰ শৰ্মাই আজি পদত্যাগ কৰে। শৰ্মাই আজি তেওঁৰ পদত্যাগ-পত্ৰখন প্ৰদেশ কংগ্ৰেছৰ সভাপতি ভূপেন বৰালৈ প্ৰেৰণ কৰিছে।
প্ৰেৰক কনক হাজৰিকা