বিশেষ বাৰ্তা, ১৮ জুলাইঃ নুনমাটি থানাৰ অন্তৰ্গত ৰামচিং চাপৰিত নিশা এক অগ্নিকাণ্ডৰ ঘটনাত সংঘটিত হয়। এই অগ্নিকাণ্ডত ৰিংকু দেৱী নামৰ মহিলা এগৰাকীৰ বাসগৃহটো সম্পূৰ্ণ ৰূপে ভস্মীভূত। জানিব পৰা মতে নিশা প্ৰায় দুই বজাত ঘৰটোৰ পৰা জুই নিৰ্গত হোৱা বুলি প্ৰত্যক্ষ কৰে চুবুৰীয়া লোকে।লগে লগে ৰিংকু দেৱীক খবৰ দিয়ে। স্থানীয় ৰাইজৰ সহযোগত জুই নিৰ্বাপনৰ চেষ্টা চলায় যদিও ইতিমধ্যে সম্পূৰ্ণৰূপে ছাইত পৰিণত হয় ঘৰটোৰ লগতে সকলো সামগ্ৰী। উল্লেখ্য যে খাৰু মনিৰ ব্যৱসায় কৰা মহিলাগৰাকীয়ে নিশা বাসগৃহৰ নাতিদূৰত থকা তেওঁৰ দোকানত আছিল। তাৰ বাবে কোনো লোক হতাহত হোৱাৰ পৰা ৰক্ষা পৰে।এই অগ্নিকাণ্ডত লক্ষাধিক টকাৰ সামগ্ৰী ক্ষতি হোৱা বুলি জানিব দিছে মহিলাগৰাকীয়ে। মহিলাগৰাকীৰ মতে ঘৰটোত কোনো নথকাৰ সুযোগ গ্ৰহণ কৰি অচিনাক্ত দুৰ্বৃত্তই ঘৰটো জ্বলাই দিছে। এই সম্পৰ্কত নুনমাটি থানাত এজাহাৰ দাখিল কৰিছে ভুক্তভুগি মহিলাগৰাকীয়ে।
প্ৰেৰক বিভাষ দাস