নিয়মীয়া বাৰ্তা, ৫ মাৰ্চ : ৰূপহীহাটৰ শিঙিমাৰীত আজি এক ভয়ংকৰ পথ দুৰ্ঘটনা সংঘটিত হয়।এখন তীব্ৰবেগী চাৰিচকীয়া বাহনে নিয়ন্ত্ৰণ হেৰুৱাই পথৰ দাঁতিত বাগৰি পৰে। উক্ত পথ দুৰ্ঘটনাত কথমপি প্ৰাণৰক্ষা পৰে চাৰিচকীয়া বাহনত থকা দুজনকৈ লোকৰ ৷ লখিমপুৰৰ পৰা জুৰিয়া অভিমুখে গৈ থকা অৱস্থাত সংঘটিত হয় উক্ত পথ দুৰ্ঘটনাটো। এখন যাত্ৰীবাহী টেম্পোক বচাবলৈ গৈ পথৰ দাঁতিত বাগৰি পৰে চাৰিচকীয়া বাহনখন। দুৰ্ঘটনাত পতিত হোৱা বাহনখনৰ নম্বৰ এএছ-০৬-ভি-১২০৩ ৷ ঘটনাস্থলীত ৰূপহীহাট আৰক্ষী উপস্থিত হৈ তদন্ত আৰম্ভ কৰিছে ৷
প্ৰেৰক জহিৰুল ইছলাম