বিশেষ বাৰ্তা, ১ মাৰ্চ : ষ্টেট বেংক অফ ইণ্ডিয়াৰ কৰ্পৰেট চ’ছিয়েল ৰেচপনছিবিলিটিৰ অধীনত মহাপুৰুষ শ্ৰীমন্ত শংকৰদেৱ বিশ্ববিদ্যালয়লৈ আগবঢ়োৱা ৪৬ ছীটযুক্ত ষ্টাৰ বাছখন কালি আনুষ্ঠানিকভাৱে ক্ষেত্ৰীয় ব্যৱসায়িক সংস্থাই (নগাঁও শাখা) বিশ্ববিদ্যালয় কৰ্তৃপক্ষক হস্তান্তৰ কৰে ৷ এই হস্তান্তৰ কাৰ্যসূচীত বিশ্ববিদ্যালয়খনৰ উপাচাৰ্য অধ্যাপক মৃদুল হাজৰিকা, পঞ্জীয়ক অধ্যাপক মৃণাল কুমাৰ বৰা, উপ-পঞ্জীয়ক (শৈক্ষিক) ড° নয়নমনি শইকীয়া, সহকাৰী পঞ্জীয়ক (বিত্ত) গৌৰৱ গোস্বামী, ষ্টেট বেংক অফ ইণ্ডিয়াৰ নগাঁৱৰ ক্ষেত্ৰীয় প্ৰৱন্ধক সুজিত কুমাৰ দে, নগাঁও শাখাৰ মুখ্য প্ৰৱন্ধক প্ৰাচুৰ্য্য শৰ্মা, মুখ্য প্ৰৱন্ধক (জমা আৰু অন্যান্য) সন্দিপন চক্ৰৱৰ্তী প্ৰমুখ্যে অন্যান্য বিষয়া-কৰ্মচাৰী, বিশ্ববিদ্যালয়খনৰ বিষয়া-কৰ্মচাৰী, অধ্যাপক-অধ্যাপিকা, ছাত্ৰ-ছাত্ৰীসকল উপস্থিত থাকে ।
প্ৰেৰক কনক হাজৰিকা