নিয়মীয়া বাৰ্তা ২৭ জুলাইঃ অসম আৰক্ষীৰ উপ–পৰিদর্শক (এছ আই) নিযুক্তি কেলেংকাৰিৰ অন্যতম অভিযুক্ত ধ্রুৱজ্যোতি বৰুৱাই আজি বিশেষ ন্যায়াধিশৰ আদালতত আত্মসমর্পণ কৰে৷ দীর্ঘদিনে আত্মগোপন কৰি থকা বৰুৱাক আত্মসমর্পণৰ পিছতে ১৪ দিনৰ ন্যায়িক জিম্মালৈ প্রেৰণ কৰিছে৷ ়
উল্লেখ্য যে কার্বি আংলঙৰ খেৰনিৰ বাসিন্দা ধ্রুৱজ্যোতি বৰুৱাই উপ–পৰিদর্শক নিযুক্তি কেলেংকাৰিত গ্রহণ কৰিছিল মধ্যস্থতাকাৰীৰ ভূমিকা৷ একাংশ প্রার্থীৰ পৰা লক্ষাধিক টকা সংগ্রহ কৰিছিল ধ্রুৱজ্যোতি বৰুৱাই৷ কেৱল উপ–পৰিদর্শকেই নহয়, ৰাজ্য চৰকাৰৰ আন বিভিন্ন চাকৰি প্রদানৰ ক্ষেত্রতো মধ্যস্থতাকাৰীৰ ভূমিকা গ্রহণ কৰিছিল বুলিও ধ্রুৱজ্যোতিৰ বিৰুদ্ধে অভিযোগ উত্থাপিত হৈছে৷