বিশেষ বাৰ্তা, ২৮ জুলাই : তিনিচুকীয়াত আৰক্ষীয়ে প্ৰতিটো দিনতে অব্যাহত ৰাখিছে মাৰাত্মক ড্ৰাগছ, গাঞ্জাৰ বিৰুদ্ধে অভিযান ৷ আজি আবেলি তিনিচুকীয়াত আৰক্ষীয়ে জব্দ কৰে বুজন পৰিমাণৰ গাঞ্জা ৷ তিনিচুকীয়া সদৰ আৰক্ষী থানাৰ ভাৰপ্ৰাপ্ত আৰক্ষী বিষয়া পৰাগজ্যোতি বুঢ়াগোহাঁইৰ নেতৃত্বত, চহৰ পৰিদৰ্শক ৰিয়াজ আলীৰ সহযোগত আৰক্ষীৰ এটা দলে পশ্চিম বংগৰ পৰা তিনিচুকীয়ালৈ গাঞ্জাখিনি অনাৰ সময়তে বিশেষ খবৰৰ ভিত্তিত অভিযান চলাই তিনিকোণীয়াত জব্দ কৰিবলৈ সক্ষম হয় ৷ ৮ কেজি গাঞ্জাসহ আটক কৰা ব্যৱসায়ীটো পশ্চিমবংগৰ আছুবুদ্দিন ৷ গাঞ্জাখিনি জব্দ কৰাৰ লগতে তিনিচুকীয়া আৰক্ষীয়ে অধিক তথ্যৰ সন্ধানত অব্যাহত ৰাখিছে মাৰাথন জেৰা ৷ এই সন্দৰ্ভত তিনিচুকীয়া সদৰ আৰক্ষী থানাৰ ভাৰপ্ৰাপ্ত আৰক্ষী বিষয়া পৰাগজ্যোতি বুঢ়াগোহাঁয়ে জানিবলৈ দিয়া অনুসৰি গাঞ্জাখিনি তিনিচুকীয়াত দিবলৈ আহিছিল পশ্চিমবংগৰ পৰা ৷
প্ৰেৰক বিবেক বড়া