উচ্চতৰ মাধ্যমিক আৰু স্নাতক বৰ্ষৰ ৩০ ছাত্ৰ ছাত্ৰীলৈ জলপানি
নিয়মীয়া বাৰ্তা, ৮ মাৰ্চ : কামৰূপ জিলাৰ বকো-ছয়গাঁও সমষ্টিৰ অন্তৰ্গত বনগাঁও জিলা পৰিষদ ভৱনত অনুষ্ঠিত হয় উত্তৰ বনগাঁও পৰিষদীয় সমষ্টিত ৰাভা হাছং স্বায়িত্তশাসিত পৰিষদৰ শিক্ষাৰ্থীক জলপানি বিতৰণ অনুষ্ঠান। ৰাভা হাছং স্বায়ত্তশাসিত পৰিষদৰ ২০২২-২৩ বৰ্ষৰ সাহায্যাৰ্থে শিক্ষাৰ্থীসকলক জলপানি বিতৰণ কৰে ৰাভা হাছং স্বায়ত্তশাসিত পৰিষদৰ উত্তৰ বনগাঁও পৰিষদীয় সমষ্টিৰ কাৰ্যবাহী সদস্য আদিত্য ৰাভাই। এই অনুষ্ঠানটোত উচ্চতৰ মাধ্যমিকৰ ২০গৰাকী আৰু স্নাতক বৰ্ষৰ ১০গৰাকী ছাত্ৰ-ছাত্ৰীক জলপানি বিতৰণ কৰা হয়।উল্লেখ্য যে উচ্চতৰ মাধ্যমিকৰ ছাত্ৰ-ছাত্ৰীসকলক ৩৫০০ আৰু স্নাতক বৰ্ষৰ ছাত্ৰ-ছাত্ৰীক ৪০০০ টকাকৈ জলপানি প্ৰদান কৰা হয়। জলপানি বিতৰণ অনুষ্ঠানটোত জলপানি লাভ কৰা ছাত্ৰ-ছাত্ৰীসকলৰ লগতে বহুকেইজন বিশিষ্ট অতিথিৰ লগতে অভিভাৱকসকল আৰু ৰাভা জাতীয় সংগঠনৰ বিভিন্ন বিষয়ববীয়া উপস্থিত থাকে।
প্ৰেৰক প্ৰীতম বায়ন