নিয়মীয়া বাৰ্তা ডিজিটেল, ২০ ডিচেম্বৰঃ হাতী-মানুহৰ সংঘাত এতিয়া নিত্য নৈমিতিক ঘটনাত পৰিণত হৈছে ৷ প্ৰতিদিনেই হাতী-মানুহৰ সংঘাতত কোনো নহয় কোনো লোকৰ মৃত্যু ঘটিছে ৷ পুৱতিনিশা তেনে এক ঘটনা সংঘটিত হৈছে বোকাখাতত ৷ বোকাখাত সমজিলাৰ পূব কাজিৰঙা গাঁও পঞ্চায়তৰ অন্তৰ্গত বৰজুৰি বস্তিৰ টেঙৰ চাৰিআলিত মহন চৰেন নামৰ ৫৫ বছৰীয়া লোক এজন হাতীৰ আক্ৰমণত গুৰুতৰভাৱে আহত হয় ৷ পুনৰ অঘটন ৷ পুৱা ঘন কুঁৱলীৰ বাবে একো নেদেখি চোতাললৈ ওলাই অহা মহন চৰেনক চোতালত ধান খাই থকা জাকৰীয়া হাতীৰ এটা হাতীয়ে খুন্দিয়াই আহত কৰে৷ স্থানীয় লোকৰ খবৰৰ ভিত্তিত ঘটনাস্থলীত বন বিভাগৰ লোক উপস্থিত হৈ মহন চৰেনক বোকাখাতৰ শ্বহীদ কমলা মিৰি মহকুমা অসামৰিক চিকিৎসালয়ত ভৰ্তি কৰি প্ৰাথমিক চিকিৎসাৰ অন্তত উন্নত চিকিৎসাৰ বাবে JMCHলৈ প্ৰেৰণ কৰিছে ৷ আজি কিছুদিন পুৰ্বে বৰজুৰিৰ উক্ত অঞ্চলতেই এজন লোক হাতীৰ আক্ৰমণত নিহত কৰিছিল।