নিয়মীয়া বাৰ্তা, ১২ আগষ্ট : নগৰবেৰা আৰক্ষী থানাৰ অন্তৰ্গত টুপামাৰীত যোৱানিশা মছজিদত দুজনকৈ চোৰ সোমাই লুটপাত চলাওঁতে ৰাইজে হাতে-লোটে ধৰিবলৈ সক্ষম হয় | মছজিদৰ ইনভাৰ্টাৰ আৰু বেটাৰী চুৰি কৰিবলৈ গৈ ধৰা পৰে ভখুৰাদিয়াৰ বাহাদুৰ আলী ওৰফে আগুন আৰু তাহাজত আলী | দুয়োকে হাতে-লোটে ধৰা পেলায় ৰাইজে আৰু তাৰ পাছতেই উত্তম-মধ্যম শোধাই নিশাটো আবদ্ধ কৰি ৰাখে মছজিদৰ শৌচালয়ত | চোৰ দুটাক ধৰাৰ উপৰি ইনভাৰ্টাৰ আৰু বেটাৰীও উদ্ধাৰ কৰে ৰাইজে। মছজিদৰ শৌচালয়ৰ ভিতৰত আবদ্ধ কৰি ৰখা চোৰদ্বয়ক পাছলৈ নগৰবেৰা আৰু টুপামাৰী আৰক্ষীয়ে উদ্ধাৰ কৰি নিজৰ জিম্মাত লয়।
প্ৰেৰক সঞ্জীৱ কুমাৰ দাস