নিয়মীয়া বাৰ্তা, ১৬ নৱেম্বৰঃ ৰূপহীহাটৰ পূৱ শিঙিমাৰীৰ পৰা আজি পুৱা এটা চুৰি হোৱা বাইক উদ্ধাৰ হোৱা ঘটনাই তীব্ৰ চাঞ্চল্যৰ সৃষ্টি কৰিছে৷ পূব শিঙিমাৰীৰ মোশ্বাৰফ হুছেইন নামৰ যুৱকজনৰ এএছ-০২-এডি-৮১৭৩ নম্বৰৰ বাইকখন চামগুৰি সমষ্টিৰ উপ-নিৰ্বাচনৰ দিনা ৰাতি চুৰি হৈছিল৷ আজি পুৱা পূৱ শিঙিমাৰীৰ এটা বাঁহজোপাৰ তলত বাইকটো উদ্ধাৰ হয়৷ স্থানীয় ৰাইজে বাইকটো পৰি থকা অৱস্থাত প্ৰত্যক্ষ কৰি ৰূপহীহাট আৰক্ষীক খবৰ দিয়ে৷ ঘটনাস্থলীত ৰূপহীহাট আৰক্ষী উপস্থিত হৈ বাইকটো উদ্ধাৰ কৰাৰ লগতে তদন্ত আৰম্ভ কৰিছে৷
প্ৰেৰক জহিৰুল ইছলাম