নিয়মীয়া বাৰ্তা, ১০ ছেপ্টেম্বৰ : ৰূপহীহাটৰ শিঙিমাৰীত আজি ঈদগাহ আৰু কবৰস্থানৰ মাটি লৈ প্ৰচণ্ড মাৰপিটৰ ঘটনা সংঘটিত হয় ৷ উক্ত মাৰপিটৰ ঘটনাত ৪জনকৈ লোক আহত হয় ৷ ৰূপহীহাট আৰক্ষী থানাৰ অন্তৰ্গত পূব শিঙিমাৰী ঈদগাহ আৰু কবৰস্থানৰ ভূমিক লৈ দীৰ্ঘদিন ধৰি চলি আছিল বিবাদ। আজি বিবাদ মীমাংসা কৰিবলৈ ৰাইজ মেল বহে। ৰাইজ মেল চলি থকা সময়তে হঠাৎ আৰম্ভ হয় প্ৰচণ্ড মাৰপিটৰ ঘটনা। ঈদগাহ কমিটী আৰু এটি পৰিয়ালৰ মাজত সংঘটিত হয় এই মাৰপিটৰ ঘটনা। পূৰ্বেও এই নিৰ্দিষ্ট ভূমিক কেন্দ্ৰ কৰি ৰূপহী আৰক্ষী থানাত ৰুজু হৈছিল গোচৰ। মাৰপিটত আহত হয় চাৰিজনকৈ লোক। গুৰুতৰভাৱে আহত হয় নুৰুল ইছলাম নামৰ এজন লোক৷ ঘটনাস্থলীত ৰূপহীহাট আৰক্ষী উপস্থিত হৈ পৰিস্থিতি নিয়ন্ত্ৰণ কৰে। আহতসকলক শিঙিমাৰী প্ৰাথমিক স্বাস্থ্যকেন্দ্ৰ আৰু ৰূপহী মডেল হস্পিতালত ভৰ্তি কৰোৱা হয়।উক্ত ঘটনাৰ এক উচিত তদন্তৰ দাবী জনাইছে সচেতন মহলে ৷
প্ৰেৰক জহিৰুল ইছলাম