নিয়মীয়া বাৰ্তা, ১০ মাৰ্চ : ৰাজ্য়ত অস্ত্ৰ সৰবৰাহেৰে দুষ্ট চক্ৰই বিভিন্ন দুষ্কাৰ্য সংঘটিত কৰি অহাৰ সমান্তৰালকৈ আৰক্ষীয়েও দুষ্ট চক্ৰৰ বিৰুদ্ধে অভিযান চলাই আহিছে। আজি দেৰগাঁৱৰ বালিজানত আৰক্ষীয়ে এক অভিযান চলাই পিষ্টলসহ দুই যুৱকক আটক কৰে। ধৃত যুৱক দুজন হৈছে মোস্তাক আলী আৰু আনন্দ চেত্ৰী। মোস্তাক আলীৰ ঘৰ মেৰাপানীত আৰু আনন্দ চেত্ৰীৰ ঘৰ নগাঁৱৰ কঠীয়াতলীত। যোৰহাট কেন্দুগুৰিৰ পৰা সৰবৰাহ কৰিছিল পিষ্টলটো। ধৃত যুৱকদ্বয়ে ৫৫ হাজাৰ টকাত বিক্ৰী কৰিবলৈ আনিছিল পিষ্টলটো। এখন মেজিকৰ পৰা দুয়োজনকে গ্ৰেপ্তাৰ কৰে আৰক্ষীয়ে। আৰক্ষীয়ে পিষ্টলৰ লগতে উদ্ধাৰ কৰিছে মোবাইল ফোন আৰু নগদ ধন। বৰ্তমান দেৰগাঁও থানাত জেৰা চলোৱা হৈছে দুয়োজনক।
প্ৰেৰক প্ৰণৱ চক্ৰৱৰ্তী