নিয়মীয়া বাৰ্তা, ২১ আগষ্ট: ছ’চিয়েল মিডিয়াত তালিবানক মুকলিকৈ সমৰ্থন কৰা ১২ জন যুৱকক গ্ৰেপ্তাৰ কৰিলে আৰক্ষীয়ে। ৰাজ্যৰ ১০ খন জিলাত অভিযান চলাই গ্ৰেপ্তাৰ কৰিছে তালিবানক সমৰ্থন কৰা এই ১২ জন যুৱকক।
ইয়াৰ মাজত আছে তেজপুৰ চিকিৎসা মহাবিদ্যালয়ত অধ্যয়ণৰত এজন ছাত্ৰ আৰু দুজন মৌলানা। নাদিম আফতাৰ নামৰ চিকিৎসা বিজ্ঞানৰ ছাত্ৰজনৰ ঘৰ হৈছে হাইলাকান্দিত।
আনহাতে ডুবাই, ছৌদি আৰৱ, মুম্বাইত থকা অসমৰ আন ৩ জন তালিবান সমৰ্থকৰ তথ্য সমগ্ৰহ কৰিছে আৰক্ষীয়ে। সেইসকলকো গ্ৰেপ্তাৰৰ প্ৰস্তুতি চলাইছে অসম আৰক্ষীয়ে।
অসম আৰক্ষীয়ে ৰাজ্যৰ ১১ জিলাৰ ১৭ টা প্ৰফাইল চিনাক্ত কৰি অভিযান অব্যাহত ৰাখিছে।