নিয়মীয়া বাৰ্তা, ২৯ ফেব্ৰুৱাৰী : ধুবুৰী জিলাৰ আগমনিৰ অসম-বংগ সীমান্তৰ ছাগলীয়াত বৃহৎ পৰিমাণৰ গাঞ্জা জব্দ কৰে আৰক্ষীয়ে । ছাগলীয়া আৰক্ষীয়ে অভিযান চলাই আজি পূৱা এখন নেক্সন আৰু এখন বেলেনো বাহনসহ জব্দ কৰে গাঞ্জাখিনি। আৰক্ষীয়ে গাঞ্জা জব্দ কৰা বাহন দুখনৰ নম্বৰ ক্ৰমে TR-05F-0772 আৰু TR-01BH-0787 । বাহন দুখনত ৪৬টা পেকেটত ভৰাই অনা অৱস্থাত জব্দ কৰে ২০৩.৭৫ কেজি গাঞ্জা । অভিযানটোত আৰক্ষীয়ে দুজন লোককো আটক কৰে । আটকাধীন লোক দুজনৰ নাম বিজয় দাস আৰু ৰাজ কুমাৰ সৰকাৰ । আৰক্ষীৰ প্ৰাথমিক তদন্তত বাহন দুখন ত্ৰিপুৰাৰ আটৰতলাৰ পৰা পশ্চিমবংগৰ শিলিগুড়িলৈ গৈ থকাৰ তথ্য লাভ কৰে আৰক্ষীয়ে । দুয়োৰে ঘৰ ত্ৰিপুৰাত । অধিক তথ্য উদঘাটনৰ বাবে আৰক্ষীয়ে অব্যাহত ৰাখিছে তদন্ত । গাঞ্জাখিনিৰ আন্তৰ্জাতিক বজাৰ মূল্য দহ লাখ টকা ।
প্ৰেৰক শ্যামল চন্দ্ৰ ৰয়