বিশেষ বাৰ্তা, ১৫ ডিচেম্বৰ : যোৱা ১২ ডিচেম্বৰৰ পৰা নাজিৰাৰ চূণপোৰাৰ একে পৰিয়ালৰ দুগৰাকী মহিলাৰ লগতে এগৰাকী যুৱতী সন্ধানহীন হৈ থকা ঘটনাই অঞ্চলটোত ব্যাপক চাঞ্চল্যৰ সৃষ্টি কৰিছে । পপী চেতিয়া, দীপা চেতিয়া আৰু গীতা বিশ্বকৰ্মা ১২ ডিচেম্বৰৰৰ বিয়লিৰ পৰা নিৰুদ্দেশ হৈ থকাত পৰিয়ালৰ লোকে বিভিন্ন স্থানত খবৰ কৰিও কোনো সম্ভেদ নোপোৱাত শিমলুগুৰি আৰক্ষী থানাত এজাহাৰ দাখিল কৰে । প্ৰাঞ্জল চেতিয়াৰ পত্নী পপী চেতিয়া, ভায়েকৰ পত্নী দীপা চেতিয়া আৰু দীপা চেতিয়াৰ ভগ্নী গীতা বিশ্বকৰ্মা নিৰুদ্দেশ হৈ থকাত উদ্বিগ্ন হৈ পৰিছে আত্মীয়-স্বজন । পপী চেতিয়াৰ স্বামী প্ৰাঞ্জল চেতিয়া, দীপা চেতিয়াৰ স্বামী বিশ্বজিৎ চেতিয়াই নিৰুদ্দিষ্ট তিনিওগৰাকীক বিচাৰি এতিয়া আৰক্ষী প্ৰশাসনৰ সহায় বিচাৰিছে।
প্ৰেৰক চৰিফ আলী