নিয়মীয়া বাৰ্তা, ১৬ নৱেম্বৰঃ মাৰ্ঘেৰিটা আৰক্ষীয়ে গোপন সুত্রৰ তথ্যৰ ভিত্তিত মাৰ্ঘেৰিটাৰ উপকণ্ঠ অঞ্চলৰ বৰগোলাই পাণ্ডু ঘাটত আজি ড্ৰাগছসহ গ্ৰেপ্তাৰ কৰে দুজন যুৱকক। মাৰ্ঘেৰিটা থানাৰ নৱনিযুক্ত ভাৰপ্ৰাপ্ত আৰক্ষী বিষয়া প্রতাপ গগৈৰ নেতৃত্বত চলোৱা অভিযান কালত আজি দুজন যুৱকক আটক কৰাৰ লগতে তেওঁ লোকৰ পৰা দুটা চাদা টেমাত ভৰাইথোৱা ড্রাগছ জব্দ কৰিবলৈ সক্ষম হয় আটকাধীন যুৱক দুজন ক্ৰমে দেৱাশীষ মণ্ডল (১৯) আৰু চিকণ্ডৰ মহম্মদ(১৮) বুলি জানিব পৰা গৈছে। দেৱাশীষৰ ঘৰ মাৰ্ঘেৰিটা অল্ড কলনীত আৰু আনজনৰ ঘৰ বোকাজানত। অধিক তথ্যৰ বাবে আৰক্ষীয়ে ধৃত দুই যুৱকক জেৰা অব্যাহত ৰাখিছে।
প্ৰেৰক মানস প্ৰতিম গগৈ