নিয়মীয়া বাৰ্তা, ৬ জানুৱাৰীঃ লাওখোৱাৰ ২নং ভুৰবন্ধাত আজি পুৱা এটা অচিনাক্ত মৃতদেহ উদ্ধাৰ হোৱা ঘটনাই অঞ্চলজুৰি তীব্ৰ চাঞ্চল্যৰ সৃষ্টি কৰিছে৷ আজি পুৱাৰ ভাগত স্থানীয় ৰাইজে ব্ৰহ্মপুত্ৰৰ পানীত মৃতদেহটো উপঙি থকা অৱস্থাত প্ৰত্যক্ষ কৰি হুৱাদুৱা লগাই আৰক্ষীক খবৰ দিয়ে৷ ২নং ভুৰবন্ধাস্থিত ব্ৰহ্মপুত্ৰৰ পানীত উদ্বাৰ হোৱা মৃতদেহটো পুৰুষৰ বুলি অনুমান কৰা হৈছে৷ ঘটনা স্থলীত আমবাগান আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে নগাঁও মেডিকেল কলেজলৈ প্ৰেৰণ কৰে৷
প্ৰেৰক জহিৰুল ইছলাম