নিয়মীয়া বাৰ্তা, ১৩ আগষ্ট: কণ্ঠশিল্পী জুবিন গাৰ্গক বুধবাৰে নিশা আক্ৰমণৰ চেষ্টা ৬ দুৰ্বৃত্তৰ । অভব্য ভাষাৰে গালি-গালাজ কৰে জুবিনক । বুধবাৰে নিশা ১২.৪০ বজাত জুৰোড তিনিআলি ষ্টুডিঅ’ৰ পৰা কাহিলীপাৰা বাসগৃহলৈ গৈ থকাৰ সময়তে গণেশমন্দিৰৰ ওচৰত এই ঘটনা সংঘটিত হয় ।
AS01-BY0675 নম্বৰৰ বগা ৰঙৰ বাহনত অহা ৬ দুৰ্বৃত্তই জুবিনৰ গাড়ী অনুসৰণ কৰি জুবিনৰ গাড়ীৰ আগত নিজৰ গাড়ী ৰখাই দিয়ে । পাছত বাহনৰ পৰা নামি আহি বিভিন্ন অশ্লীল মন্তব্য কৰে জুবিনক ।
পৰৱৰ্তী সময়ত জুবিন গাৰ্গে দিছপুৰ থানাত এখন এজাহৰ দাখিল কৰে । বৰ্তমান আৰক্ষীয়ে এই সন্দৰ্ভত তদন্ত অব্যাহত ৰাখিছে ।
জানিব পৰা মতে, আক্ৰমণকাৰী দুৰ্বৃত্তৰ দলটোৰ ভিতৰত এজন এটা ৰাজনৈতিক দলৰ সদস্য ।