বিশেষ বাৰ্তা, ৩০ আগষ্ট : কালি দিনৰ ১ বজাতে বিহালী মোনাবাৰী চাহ বাগিচাৰ বিহপুখুৰীত এজাক বনৰীয়া হাতীৰ মুক্ত বিচৰণে ৰাইজক শংকিত কৰি তুলিছে। অৱশ্যে লোকালয়ত প্ৰৱেশ কৰাৰ পৰিৱৰ্তে চাহ বাগিচাখনতে ইফালে-সিফালে বিচৰণ কৰি আছে। বন বিভাগক খবৰ দিয়া হৈছে যদিও এই বাতৰি যুগুতোৱালৈকে বাগিচাখনত উপস্থিত হোৱা নাই। বনৰীয়া হাতীৰ জাকটোত পোৱালিসহ ৩০টাতকৈও অধিক আছে বুলি ৰাইজে জানিবলৈ দিছে। পিছত সন্ধিয়া হাতীৰ জাকটো ধীৰ গতিত কাজিৰঙা ষষ্ঠ সংযোজনৰ দিশে গমন কৰে।
প্ৰেৰক অমিতাভ বৰুৱা