নিয়মীয়া বাৰ্তা, ২৭ ফেব্ৰুৱাৰীঃ ক’ৰোনাৰ লকডাউনৰ ফলত দেশৰ অর্থনীতি বিধ্বস্ত হৈ পৰাৰ পিছত অক্টোবৰ–ডিচেম্বৰ ত্রৈমাসিকত দেশৰ জিডিপিত ইতিবাচক প্রভাৱ প্রতিফলিত হৈছে৷ কাৰিকৰী মন্দাৰ মাজত থকা দেশৰ অর্থনীতি কিছু উন্নত হৈ ২০২০ বর্ষৰ অক্টোবৰ–ডিচেম্বৰ তৃতীয় ত্রৈমাসিকত জিডিপি ০.৪ শতাংশ বৃদ্ধি পাইছে৷
চৰকাৰী তথ্যত প্রকাশ পোৱা মতে, অক্টোবৰ–ডিচেম্বৰ ত্রৈমাসিকত অর্থনীতি ০.৪ শতাংশ বৃদ্ধি হৈছে৷ তেনেদৰে জানুৱাৰী মাহত আন্তঃগাঁথনিৰ ক্ষেত্রখনত ০.১ শতাংশ বৃদ্ধি পাইছে৷ উল্লেখ্য যে ক’ৰোনা লকডাউনৰ মাজত এপ্রিল–জুন ত্রৈমাসিকত দেশৰ অর্থনীতি ২৩.৯ শতাংশ নিম্নগামী হৈছিল৷ দুটাকৈ ত্রৈমাসিকত জিডিপি সংকুচিত হোৱাৰ পিছত বর্ষটোৰ সামৰণিত অক্টোবৰ–ডিচেম্বৰ ত্রৈমাসিকত অর্থনীতি ইতিবাচক হৈছে৷