নিয়মীয়া বাৰ্তা, ১৭ ফেব্ৰুৱাৰীঃ উচ্চ ন্যায়ালয়ৰ নিৰ্দেশ অনুসৰি পৰিবহণ বিভাগে গুৱাহাটী মহানগৰীত চিটী বাছৰ বিৰুদ্ধে আৰম্ভ কৰিছে অভিযান । চালকসকলে ছীট বেল্ট নলগোৱা, গাড়ীৰ দৰ্জা বন্ধ নকৰা চৰকাৰী-বেচৰকাৰী বাছৰ বিৰুদ্ধে চলিছে এই অভিযান । এই অভিযানৰ নেতৃত্ব দিছে নতুন পৰিবহণ আয়ুক্ত আদিল খানে ।
উল্লেখ্য যে, চিটীবাছসমূহে আইন অমান্য কৰাৰ লগতে বাছ আস্থানসমূহত বহু সময় ধৰি বাছ ৰখোৱাৰ অভিযোগ দীৰ্ঘদিনীয়া । শেহতীয়াকৈ গুৱাহাটী উচ্চ ন্যায়ালয়ে জাৰি কৰা এক নিৰ্দেশনা কাৰ্যকৰী কৰাৰ বাবে পৰিবহণ বিভাগে আৰম্ভ কৰিছে অভিযান । এই অভিযানত ইতিমধ্যে বহুকেইখন চৰকাৰী-বেচৰকাৰী বাছক জৰিমনা বিহাৰ লগতে জব্দ কৰা হৈছে ।