নিয়মীয়া বাৰ্তা ২৫ ডিচেম্বৰঃ প্রতি বছৰৰ দৰে এইবেলিও যোৱা ২৯ নৱেম্বৰত প্রয়াত যাদৱ চন্দ্র ভূঞাৰ মৃত্যুবার্ষিকী উপলক্ষে উদয়াচল প্রয়াত যাদৱ চন্দ্র ভূঞা সোঁৱৰণী ন্যাসৰ তৰফৰ পৰা উদয়াচলৰ বিশেষভাৱে সক্ষম ছাত্র–ছাত্রীসকলৰ মাজত অনলাইনযোগে নৃত্য–গীত প্রতিযোগিতা অনুষ্ঠিত কৰা হয়৷ ক’ৰোনা মহামাৰীৰ ভয়াৱহতাৰ প্রতি লক্ষ্য ৰাখি আয়োজন কৰা এই অনলাইন প্রতিযোগিতা অনুষ্ঠিত কৰা হয়৷
বৃহস্পতিবাৰে উদয়াচলত ছাত্র–ছাত্রীসকলৰ মাজত প্রাক বৰদিন উদ্যাপনৰ লগতে গীত–নৃত্য প্রতিযোগিতাত বিজয়ী ছাত্র–ছাত্রীসকলক বঁটা প্রদান কৰা হয়৷ তদুপৰি বিশেষভাৱে সক্ষম ছাত্র–ছাত্রীসকলৰ বাবে নৃত্য–গীতৰ অনুষ্ঠান পৰিৱেশন কৰা হয়৷ আজি এই অনুষ্ঠানত প্রয়াত যাদৱ চন্দ্র ভূঞা সোঁৱৰণী ন্যাসৰ বিষয়ববীয়াসকলৰ লগতে অসম চৰকাৰৰ সমাজ কল্যাণ বিভাগৰ সঞ্চালক ৰুবুল শর্মা উপস্থিত থাকে৷