নিয়মীয়া বাৰ্তা ১৬ মাৰ্চঃ পাণবজাৰ আৰক্ষীয়ে সোমবাৰে দুপৰীয়া লাখটকীয়াৰ ২নং ৰে’ল গেটৰ সমীপৰ পৰা বুজন পৰিমাণৰ ড্রাগছসহ এগৰাকী মহিলা ড্রাগছ সৰবৰাহকাৰীক গ্রেপ্তাৰ কৰে৷ ধৃত ড্রাগছ সৰবৰাহকাৰী মহিলাগৰাকী লাখটকীয়াৰ অজিত দাসৰ পত্নী মুন্নী বেগম দাস বুলি জানিব পৰা গৈছে৷
আৰক্ষীয়ে ধৃত মহিলাগৰাকীৰ পৰা ব্রাউন ছুগাৰ ভর্তি ৪২টা কণ্টেইনাৰ জব্দ কৰে৷ আৰক্ষী সূত্রে জনোৱা মতে, মহিলাগৰাকীয়ে দীর্ঘদিন ধৰি ড্রাগছ সৰবৰাহ কৰি আহিছে৷ আৰক্ষীয়ে গোপন সূত্রৰ পম খেদি মহিলাগৰাকীক ২নং ৰে’ল গেটৰ পৰা প্রায় ৪০০ গ্রাম ব্রাউন ছুগাৰসহ হাতে–লোটে ধৰা পেলাই কৰায়ত্ত কৰে৷ আৰক্ষীয়ে ঘটনা সন্দর্ভত পাণবজাৰ থানাত এটা গোচৰ ৰুজু কৰি তদন্ত অব্যাহত ৰাখিছে৷