নিয়মীয়া বাৰ্তা, ৩১ মেঃ ক’ৰোনা ভাইৰাছৰ আতংকৰ বাবেই মহাশক্তিপীঠ কামাখ্যা ধাম যোৱা ২০ মাৰ্চৰ পৰাই দৰ্শনাৰ্থীৰ বাবে বন্ধ হৈ আছে। আনহাতে অহা ২২জুনৰ পৰা কামাখ্যা ধামত অনুষ্ঠিত হ’বলগীয়া অম্বুবাচীৰ পিছতহে খোলা হ’ব দেৱালয়ৰ দুৱাৰ। অম্বুবাচীৰ সময়ত যিহেতু লক্ষাধিক লোকৰ সমাগম হয় গতিকে ক’ৰোনা ভাইৰাছৰ বাহক হৈ পৰাৰ আশংকা কৰা হৈছে এইবাৰৰ মেলা। সেই উদ্দেশ্যেই দেৱালয় পৰিচালনা সমিতিয়ে ৩০ জুনলৈ শক্তিপীঠ কামাখ্যা দেৱালয়ৰ দুৱাৰ বন্ধ ৰখাৰ সিদ্ধান্ত গ্ৰহণ কৰিছে।