মানৱ সভ্যতাকে সংকটত পেলাই বিশ্বজুৰি নৰসংহাৰ চলাই থকা ক’ভিড–১৯ৰ বিৰুদ্ধে যুঁজ দি যদি কোনোৱে নিজৰ জীৱনটোকেই সংকটত পেলাইছে, তালিকাখনৰ প্রথমতেই নাম ল’ব লাগিব চিকিৎসক তথা চিকিৎসা কর্মীৰ৷ এইসকল লোকে সংক্রমণৰ শংকা থকা সত্ত্বেও ক’ৰোনাত আক্রান্ত লোকৰ কাষত থিয় দি তেওঁলোকৰ জীৱন বচোৱাৰ সেৱাত ব্রতী হৈছে৷ সংক্রমণৰ ভয়ত যদি চিকিৎসক আৰু চিকিৎসা কর্মীসকলে আগুৱাই নগ’লহেঁতেন, আজি বিশ্বত কি দুৰৱস্থাই ছানি ধৰিলেহেঁতেন, সেয়া কল্পনাও কৰিব নোৱাৰি৷ এইখিনি কৰিবলৈ যাওঁতে ইতিমধ্যে বহু চিকিৎসক আৰু চিকিৎসা কর্মীৰ ক’ভিড–১৯ত আক্রান্ত হৈ মৃত্যু হৈছে৷ ইডৰোপীয় ৰাষ্ট্রত ক’ভিড–১৯ত আক্রান্তক সুস্থ কৰি তোলা চিকিৎসকক সন্মান প্রদর্শনৰ বাবে বহুতে চিকিৎসকজনৰ ঘৰৰ সন্মুখেৰে যাওঁতে হর্ন বজাই যায়৷ এখন সমাজে এইদৰে ক’ৰোনা যোদ্ধাক সন্মান প্রদর্শন কৰি তেওঁলোকক অনুপ্রাণিত কৰি আহিছে৷
চিকিৎসকৰ লগতে আৰক্ষীৰো নাম একেখন তালিকাতে আহে৷ লকডাডন কঠোৰভাৱে বলৱৎ হোৱাত আৰক্ষীয়ে যিদৰে দিনে–নিশাই কষ্ট কৰি মানৱ সমাজখনত ভাইৰাছবিধ সংক্রমিত হোৱাৰ পৰা সুৰক্ষা দি আছে, সেয়া প্রশংসনীয় আৰু সেৱাৰ ডৎকৃষ্ট ডদাহৰণ৷ অসমত আৰক্ষীয়ে লকডাডনত বিপর্যস্ত বহু লোকক পদূলিমুখলৈ গৈ সামগ্রী, দৰব আদি প্রদান কৰি চাকৰিৰ ঊর্ধ্বত গৈ কৰা সেৱাকো মানুহে মনত ৰাখিছে৷ তাৰ মাজতে চিৰাং জিলাত সংঘটিত হৈছে এটা অভব্য কাণ্ড৷ ক’ৰোনা যুদ্ধত নিজৰ নিজৰ স্থানৰ পৰা মানৱ সমাজক অনবদ্য সেৱা আগবঢ়াই থকা আৰক্ষীয়ে প্রহাৰ কৰিছে চিকিৎসক আৰু চিকিৎসা কর্মীক৷ জিলাখনৰ আমটেকা ক্ষুদ্র প্রাথমিক চিকিৎসালয়ৰ চিকিৎসকৰ ক্ষেত্রত সংঘটিত হৈছে ধিক্কাৰজনক কাণ্ডটো৷ এটা সাধাৰণ কথাতে চিকিৎসক–চিকিৎসা কর্মীক নির্যাতন চলাই আৰক্ষীৰ সেই বিশেষ ব্যক্তিসকলে ৰাজ্যত চলি থকা ক’ৰোনাবিৰোধী যুঁজখনকে দুর্বল কৰাৰ সংশয়ে দেখা দিছে৷ যদি কর্তব্য কৰিবলৈ গৈ কোনো লোকক সেইদৰে অপদস্থ তথা প্রহাৰ কৰা হয়, ইয়ে চিকিৎসক সমাজখনলৈ কি বতৰা কঢ়িয়াই নিব? ৰাজ্যিক আৰক্ষী–প্রশাসনে বিষয়টো গুৰুত্ব সহকাৰে লোৱা ডচিত৷ ক’ৰোনাবিৰোধী যুঁজখনৰ দুই প্রধান যোদ্ধা আৰক্ষী আৰু চিকিৎসা বিভাগে কান্ধত কান্ধ মিলাই কাম কৰিলে, অসমৰ সমাজখনে ডপকাৰ আৰু সেৱা লাভ কৰিব, তাক ৰাজ্যখনৰ জনসাধাৰণে যুগ যুগ ধৰি মনত ৰাখিব৷ ৰাজ্যখনত বন্বুূত্বমূলক পৰিৱেশ সৃষ্টিত অহা এনেধৰণৰ বাধা–বিঘিনিক আৰক্ষী–প্রশাসনে যথোচিত ব্যৱস্থাৰে আঁতৰ কৰক৷ অসমৰ বাবে আহি থকা দিনবোৰ অধিক কঠিন আৰু প্রত্যাহবানেৰে ভৰা৷ ৰাইজে আৰক্ষী, চিকিৎসা কর্মীলৈ আশাভৰা দৃষ্টিৰে চাই আছে৷