নিয়মীয়া বাৰ্তা, ২১ এপ্ৰিল : সামাজিক কাম-কাজৰ জৰিয়তে সমাজৰ আস্থাভাজন হৈ পৰা “গহপুৰ হেডলাইন”চে ৰঙালী বিহু উপলক্ষে আয়োজন কৰা বিহুৱতীৰ ফটো প্ৰতিযোগিতাৰ ফলাফল আজি আনুষ্ঠানিকভাৱে ঘোষণা কৰি বিজয়ী প্ৰতিযোগীসকলক পুৰস্কাৰ প্ৰদান কৰা হয়। “গহপুৰ হেডলাইন”চে ৰঙালী বিহুৰ লগত সংগতি ৰাখি আয়োজন কৰিছিল বিহুৱতীৰ ফটো প্ৰতিযোগিতা। ৯ এপ্ৰিলৰ পৰা ১৫ এপ্ৰিললৈকে পৰম্পৰাগত বিহুৰ সাজত অনুস্থিত কৰা এই প্ৰতিযোগিতাত অংশ গ্ৰহণ কৰিছিল অসমৰ ইমূৰৰ পৰা সিমূৰলৈ প্ৰায় এহাজাৰৰো অধিক প্ৰতিযোগীয়ে ৷ এই প্ৰতিযোগীতাৰ মাজত সকলোকে চেৰ পেলাই লাইক আৰু কমেন্টৰ ভিত্তিত জিলিকি উঠিল তিনিগৰাকী সৌভাগ্যবান প্ৰতিযোগী৷ প্ৰথম পুৰস্কাৰ আজুৰি আনিলে গহপুৰৰ ডিলাপখৰাৰ বৰ্ষা দলেই৷ দ্বিতীয় বিজয়ীৰ খিতাপ লাভ কৰিলে গহপুৰৰ গোপালপুৰৰ দিক্ষীতা ভূঞাই ৷ তৃতীয় স্থান লাভ কৰিছে নাৰায়ণপুৰৰ চয়নিকা শইকীয়াই ৷
প্ৰেৰক নৱজিত শইকীয়া