বিশেষ বাৰ্তা, ১ জুনঃ বলীউডৰ হৃত্ত্বিক ৰোশনৰ প্ৰেমিকা ছাবা আজাদ আৰু প্ৰাক্তন পত্নী চুজান খানৰ মাজৰ বন্ধন খুবেই দৃঢ়। গোৱাত একেলগে পাৰ্টি কৰা ভাইৰেল ফটোবোৰে প্ৰমাণ কৰিছিল সেই কথা। শেহতীয়াকৈ ছাবাই নিজৰ ইনষ্টাগ্ৰামত এটা ভিডিঅ’ পোষ্ট শ্বেয়াৰ কৰিছে য’ত তেওঁ আইনা এখনৰ সন্মুখত প’জ দিছে। কিন্তু সকলোৰ দৃষ্টি আকৰ্ষণ কৰা কথাটো হ’ল চুজানৰ মন্তব্য, য’ত তেওঁ প্ৰাক্তন স্বামীৰ প্ৰেয়সীক মৰমেৰে ‘ছাবু’ বুলি সম্বোধন কৰিছে। চুজানে লিখিছে- “বাঃ ছাবু”। কৰণ জোহৰৰ ৫০ সংখ্যক জন্মদিনত হাতে হাত ধৰি খোজ কাঢ়ি হৃত্ত্বিক আৰু ছাবাই তেওঁলোকৰ সম্পৰ্কক আনুষ্ঠানিকভাৱে জনাই দিয়ে। আনপিনে, সেই পাৰ্টিত প্ৰেমিক আৰ্ছলান গোনীৰ সৈতে আহিছিল চুজান খান।চুজান আৰু ছাবা আজাদৰ ছ’চিয়েল মিডিয়াত কথোপকথন এয়াই প্ৰথম নহয়। কেইসপ্তাহমান পূৰ্বে ছাবাই ইনষ্টাগ্ৰামত স্ক্ৰীণ টেষ্টৰ এটা ভিডিঅ’ শ্বেয়াৰ কৰিছিল। পোষ্টটো শ্বেয়াৰ কৰাৰ কিছু সময়ৰ পিছতে চুজানে মন্তব্য কৰিছিল।