নিয়মীয়া বাৰ্তা, ১১ এপ্ৰিলঃ বিশ্বৰ শক্তিশালী ৰাষ্ট্ৰ আমেৰিকা যুক্তৰাষ্ট্ৰৰ হোৱাইট হাউছৰ টুইটাৰত ফল’ কৰা বিশ্বৰ একমাত্ৰ নেতা প্ৰধানমন্ত্ৰী নৰেন্দ্ৰ মোদী । মাৰ্কিন যুক্তৰাষ্ট্ৰৰ ৰাষ্ট্ৰপতি কাৰ্যালয় হোৱাইট হাউছৰ পৰা প্ৰধানমন্ত্ৰী মোদীক টুইটাৰযোগে অনুসৰণ কৰাৰ সমান্তৰালকৈ ৰাষ্ট্ৰপতি ৰামনাথ কোবিন্দকো অনুসৰণ কৰি আহিছে । হোৱাইট হাউছৰ পৰা ভাৰতৰ প্ৰধানমন্ত্ৰী নৰেন্দ্ৰ মোদীৰ শক্তিশালী নেতৃত্বক ভূয়সী প্ৰশংসা কৰি দেশখনৰ প্ৰতি থকা সদ্ভাৱনাক সদায়েই উৎসাহিত কৰি আহিছে । লক্ষণীয়ভাৱে হোৱাইট হাউছৰ টুইটাৰযোগে মাত্ৰ ১৯ টা একাউণ্টকহে অনুকৰণ কৰে এই অনুকৰণ কৰা একাউণ্টৰ ভিতৰত আমেৰিকাৰ বাহিৰৰ লোক হিচাপে কেৱল প্ৰধানমন্ত্ৰী নৰেন্দ্ৰ মোদী আৰু ৰাষ্ট্ৰপতি কোবিন্দৰ নাম আছে । হোৱাইট হাউছে প্ৰধানমন্ত্ৰীৰ ব্যক্তিগত একাউণ্টৰ উপৰি প্ৰধানমন্ত্ৰীৰ চৰকাৰী একাউণ্ট পি এম অ’ ইণ্ডিয়াক অনুকৰণ কৰে । মন কৰিবলগীয়া যে মাৰ্কিন ৰাষ্ট্ৰপতি ড’নাল্ড ট্ৰাম্প আৰু প্ৰধানমন্ত্ৰী মোদীৰ বন্ধুত্ব পৃথিৱীৰ আন দেশৰ নেতাক লৈ কিছু পৃথক । প্ৰধানমন্ত্ৰী মোদীক বিশেষ বন্ধু হিচাপে অভিহিত কৰা মাৰ্কিন ৰাষ্ট্ৰপতিগৰাকীৰ টুইটাৰত মোদীক অনুকৰণ কৰাটো বিশেষ সন্মান । মাৰ্কিন ৰাষ্ট্ৰপতি ট্ৰাম্প আৰু পোপ ফ্ৰান্সিছৰ পাছত বিশ্বৰ তৃতীয়গৰাকী টুইটাৰত সৰ্বাধিক অনুকৰণ কৰা বিশ্বৰ নেতা প্ৰধানমন্ত্ৰী নৰেন্দ্ৰ মোদী ।