🔹 পাকিস্তানৰ পৰা কোনে পঠিয়ালে ভাবুকি ভৰা বাৰ্তা
নিউজ ডেস্ক, ২৪ জানুৱাৰী : বলীউডৰ অভিনেতা ৰাজপাল যাদৱ, কমেডিয়ান কপিল শর্মা, চিত্রনাট্যকাৰ ৰেমো ডিছুজা আৰু অভিনেত্রী তথা গায়িকা সুগন্ধা মিশ্রই পাকিস্তানৰ পৰা মৃত্যুৰ ভাবুকি লাভ কৰিছে৷ পাকিস্তানৰ পৰা এই কলা–কুশলীসকললৈ ভাবুকি অহা বুলি সংবাদ মাধ্যমত প্রকাশ পোৱাৰ লগে লগে বিষয়টোক লৈ বিশেষ চর্চা চলিছে৷ ইতিমধ্যে ৰাজপাল যাদৱৰ অভিযোগৰ ভিত্তিত মুম্বাই আম্বোলি আৰক্ষী থানাই ইতিমধ্যে এটা গোচৰ ৰুজু কৰিছে৷ উল্লেখনীয় যে ই–মেইলত বলীউডৰ এই কলা–কুশলীসকললৈ ভাবুকি আহিছে৷ পাকিস্তানৰ পৰা ই–মেইলত এই ভাবুকি অহা বুলি নিশ্চিত কৰিছে মুম্বাই আৰক্ষীয়ে৷ অৱশ্যে এই ঘটনা সন্দর্ভত আৰক্ষীৰ তৰফৰ পৰা সবিশেষ তথ্য সদৰী কৰা হোৱা নাই৷ স্মর্তব্য যে অভিনেতা ছঈফ আলী খানৰ ওপৰত আক্রমণৰ পিছত বলীউডৰ কলাকুশলীলৈ এয়া নতুন ভাবুকি৷ গতিকে, বিষয়টোক লৈ মুম্বাই আৰক্ষীয়ে বিশেষ গুৰুত্ব প্রদান কৰাৰ উপৰি নিৰাপত্তা ব্যৱস্থা অধিক কটকটীয়া কৰি তুলিছে৷