🔹 মহাকাশ খণ্ডত চলাব নিত্য নতুন অভিযান !
নিউজ ডেস্ক, ১৯ জানুৱাৰী : টেছলা আৰু স্পেচ এক্সৰ মুৰব্বী বিশ্বৰ ১নং ধনাঢ্য ব্যক্তি এলন মাস্কে টেক্সাছৰ স্পেচ এক্সলৈ ভাৰতীয় উদ্যোগীক আমন্ত্রণ জনাইছে৷ স্পেচ এক্সৰ অত্যাধুনিক মহাকাশ প্রযুক্তি আগবঢ়াই নিবলৈ ভাৰতীয় উদ্যোগীক এলন মাস্কে আদৰণি জনোৱাটো তাৎপর্যপূর্ণ৷ ইণ্ডিয়া গ্ল’বেল ফ’ৰামৰ প্রতিষ্ঠাতা মনোজ লাডৱাই আয়োজন কৰা এক কার্যসূচীত এলন মাস্কৰ সৈতে হোৱা বার্তালাপত স্পেচ এক্সৰ অত্যাধুনিক মহাকাশ প্রযুক্তিক অধিক আগবঢ়াই নিয়াৰ বাবে ভাৰতীয় উদ্যোগীক মাস্কে আমন্ত্রণ জনোৱা বুলি প্রকাশ কৰিছে৷ মন কৰিবলগীয়া যে এলন মাস্কে ব্যক্তিগত খণ্ডৰ কোম্পানী স্পেচ এক্স প্রতিষ্ঠা কৰি মহাকাশ খণ্ডত নিত্য নতুন অভিযান চলাই আছে৷