নিউজ ডেস্ক, ৩০ এপ্ৰিলঃ NSAৰ অধ্যক্ষৰ আসনত প্ৰাক্তন RAW-চীফ আলোক যোশী। পেহেলগাম সন্ত্ৰাসবাদী আক্ৰমণৰ পিছত ভাৰত আৰু পাকিস্তানৰ মাজত উত্তেজনাৰ পৰিস্থিতিৰ সৃষ্টি হৈছে। ইফালে ভাৰত চৰকাৰে ৰাষ্ট্ৰীয় নিৰাপত্তা উপদেষ্টা ব’ৰ্ডত সালসলনি কৰিছে। ইয়াৰ অধ্যক্ষ নিৰ্বাচিত হৈছে RAWৰ প্ৰাক্তন মুৰব্বী আলোক যোশী। তেওঁৰ লগতে ব’ৰ্ডত মুঠ ৭জন সদস্য থাকিব। তিনিওটা সেনাৰ অৱসৰপ্ৰাপ্ত বিষয়াক ব’ৰ্ডত অন্তৰ্ভুক্ত কৰা হৈছে।
চৰকাৰে ৰাষ্ট্ৰীয় নিৰাপত্তা উপদেষ্টা ব’ৰ্ডত সালসলনি কৰি ব’ৰ্ডৰ কমাণ্ড অৰ্পণ কৰিছে RAWৰ প্ৰাক্তন মুৰব্বী আলোক যোশীক। প্ৰাক্তন পশ্চিম এয়াৰ কমাণ্ডাৰ এয়াৰ মাৰ্শ্বাল পি এম সিনহা, প্ৰাক্তন দক্ষিণ সেনা কমাণ্ডাৰ লেফটেনেণ্ট জেনেৰেল এ কে সিং আৰু ৰিয়াৰ এডমিৰেল মণ্টি খান্না সামৰিক সেৱাৰ অৱসৰপ্ৰাপ্ত বিষয়া এইবোৰো ব’ৰ্ডৰ অংশ হ’ব।
ভাৰতীয় আৰক্ষী সেৱাৰ পৰা অৱসৰ গ্ৰহণ কৰিছে ৰাজীৱ ৰঞ্জন ভাৰ্মা আৰু মনমোহন সিঙে। বি ভেংকটেশ ভাৰ্মা সাতজনীয়া ব’ৰ্ডৰ অৱসৰপ্ৰাপ্ত বৈদেশিক সেৱা বিষয়া।
বুধবাৰে চাৰিখন বৃহৎ বৈঠকত অংশগ্ৰহণ কৰে প্ৰধানমন্ত্ৰী মোদীয়ে। তেওঁ চিচিএছ, চিচিপিএ, চিচিইএ আৰু কেবিনেট বৈঠকৰ অধ্যক্ষতা কৰিছিল। পেহেলগামত সংঘটিত সন্ত্ৰাসবাদী আক্ৰমণৰ পিছত এতিয়ালৈকে প্ৰধানমন্ত্ৰী মোদীয়ে বহু কঠোৰ সিদ্ধান্ত গ্ৰহণ কৰিছে। ইয়াৰ বাবেই পাকিস্তান ভয়ত ত্ৰস্তমান। শেহতীয়াকৈ পাকিস্তানে ৰাছিয়া, আমেৰিকা আৰু তুৰস্কৰ সৈতে আলোচনাত মিলিত হৈছিল। পাকিস্তানে ৰাষ্ট্ৰসংঘক কয় যে ভাৰতৰ এই অভিযোগ ভিত্তিহীন।
ভাৰতৰ সৈতে উত্তেজনাপূৰ্ণ পৰিস্থিতিৰ মাজতো পাকিস্তানে নিজৰ কাৰ্যকলাপৰ পৰা বিৰত থকা নাই। তেওঁ অহৰহ LoCত যুদ্ধবিৰতি উলংঘা কৰি আছে। বাৰামুল্লাকে ধৰি বহু ঠাইত পাকিস্তানে গুলীচালনা কৰিছিল। ভাৰতীয় সেনায়ো পাকিস্তানক উপযুক্ত উত্তৰ দিলে। পাকিস্তানেও বুধবাৰে যুদ্ধবিৰতি উলংঘা কৰে।