🔹 জোহান্সবার্গত অস্বস্তিত চীনৰ ৰাষ্ট্রপতি
বিশেষ বাৰ্তা, ২৪ আগষ্ট : ব্রিকছৰ মঞ্চত অপ্রস্তুত হৈ পৰিল চীনৰ ৰাষ্ট্রপতি ঝি জিনপিং৷ সভাকক্ষত প্রৱেশ কৰাৰ সময়ত গঁতিয়াই আঁতৰ কৰি দিয়া হ’ল জিনপিঙৰ দেহৰক্ষীক৷ এই ঘটনা ধৰা পৰিছে ছ’চিয়েল মিডিয়াত ভাইৰেল হোৱা এক ভিডিঅ’ত৷ ব্রিকছ সন্মিলনৰ দ্বিতীয় দিনা সংঘটিত হৈছে এই বিতর্কিত ঘটনা৷ ভাইৰেল হোৱা ভিডিঅ’ত দেখিবলৈ পোৱা গৈছে সভাকক্ষত প্রৱেশ কৰিছে জিনপিং৷ ৰাষ্ট্রপতিগৰাকীৰ পিছত আছে কলা ছ্যুট পৰিহিত তেওঁৰ দেহৰক্ষী৷ এই দেহৰক্ষীগৰাকীক সভাকক্ষৰ ভিতৰত সোমোৱাৰ পূর্বেই এগৰাকী নিৰাপত্তাৰক্ষীয়ে গঁতিয়াই দিয়ে৷ বন্ধ কৰি দিয়া হয় ভিতৰত প্রৱেশৰ দুৱাৰ৷ এই ঘটনাক লৈ তীব্র অস্বস্তিত পৰে জিনপিং৷ বিষয়টোক লৈ ইতিমধ্যে সৃষ্টি হৈছে প্রতিক্রিয়া৷