বিশেষ বাৰ্তা, ২ ফেব্ৰুৱাৰী : বলীউডৰ অভিনেত্ৰী, মডেল পুনম পাণ্ডেৰ আকস্মিক মৃত্যুৰ খবৰে স্তম্ভিত কৰি তুলিছে বহুতকে। অভিনেত্ৰীগৰাকীৰ কেন্সাৰত আক্ৰান্ত হৈ মৃত্যু হোৱা বুলি জানিব পৰা গৈছে। অভিনেত্ৰীগৰাকীৰ মৃত্যুৰ খবৰ পুনমৰ ইনষ্টাগ্ৰাম একাউণ্টত শ্বেয়াৰ কৰা হৈছে। পুনম পাণ্ডেৰ মৃত্যুৰ সময়ত বয়স হৈছিল মাত্ৰ ৩২ বছৰ। পুনম পাণ্ডেৰ ইনষ্টাগ্ৰাম একাউণ্টত শ্বেয়াৰ কৰা পোষ্টটোত লিখা মতে- ‘আজি পুৱাটো আমাৰ বাবে কঠিন। আমি আপোনালোকক জনাবলৈ পাই অতি দু:খিত যে আমি আমাৰ মৰমৰ পুনমক ছাৰ্ভাইকেল কেন্সাৰৰ বাবে হেৰুৱাইছোঁ। তেওঁৰ সংস্পৰ্শলৈ অহা প্ৰতিজন ব্যক্তিয়ে তেওঁক মৰমেৰে লগ পাইছিল। এই দুখৰ সময়ত আমি গোপনীয়তাৰ অনুৰোধ কৰিম। আমি তেওঁক লৈ ভাগ কৰা প্ৰতিটো বস্তুৰ বাবে আমি তেওঁক মৰমেৰে স্মৰণ কৰিম।” উল্লেখ্য যে পুনম পাণ্ডে আছিল এগৰাকী বিখ্যাত মডেল। ২০১১ চনৰ ক্ৰিকেট বিশ্বকাপৰ ফাইনেলৰ পূৰ্বে ভিডিঅ’ বাৰ্তাযোগে ভাৰতে ফাইনেল মেচত জয়ী হ’লে উলংগ হ’ব বুলি প্ৰতিশ্ৰুতি দিয়াৰ লগে লগে তেওঁৰ জনপ্ৰিয়তা বৃদ্ধি হৈছিল। এই দাবীৰ লগে লগে পুনম প্ৰথমবাৰৰ বাবে বিতৰ্কৰ মাজলৈ আহিছিল।