নিয়মীয়া বাৰ্তা ডিজিটেল, ২১ ডিচেম্বৰঃ সলনি হ’ল ড’নাল্ড ট্রাম্প নৱনির্বাচিত মার্কিন ৰাষ্ট্রপতি ড’নাল্ড ট্রাম্পক দেখিবলৈ পোৱা গ’ল নতুন ‘অৱতাৰ’ত৷ একেবাৰে ভিন্ন এক চুলিৰ কাটত দেখিবলৈ পোৱা গ’ল বর্ষীয়ান ৰিপাব্লিকান নেতাগৰাকীক৷ ট্রাম্প ইণ্টাৰনেচনেল গ’ল্ড ক্লাবত ট্রাম্পক দেখিবলৈ পোৱা গ’ল হাতত টুপী লৈ খোজকাঢ়ি থকা অৱস্থাত৷ নেতাগৰাকীৰ নতুন হেয়াৰ কাট দেখি অনুৰাগীসকলে বিশেষ উৎসাহ প্রদর্শন কৰিছে৷ বিভিন্নজনে ট্রাম্পক এই নতুন ৰূপৰ বাবে শুভেচ্ছাও জ্ঞাপন কৰিছে৷ সন্মুখতে বৰদিন ইতিমধ্যে আমেৰিকাত আৰম্ভ হৈছে বৰদিনৰ উৎসৱ৷ ইয়াৰ পিছতেই আছে ট্রাম্পৰ শপতগ্রহণ অনুষ্ঠান৷ নতুনকৈ উভতিব ৰাষ্ট্রপতিৰ পদলৈ৷ তাৰ পূর্বে চুলিৰ কাট সলনি কৰি দিয়া দেখা গ’ল নেতাগৰাকীক৷ ইতিমধ্যে ভাইৰেল হৈছে ট্রাম্পৰ এই নতুন ৰূপৰ ভিডি’৷ স্মর্তব্য যে দ্বিতীয়বাৰৰ বাবে ‘টাইম’ মেগাজিনৰ বর্ষশ্রেষ্ঠ ব্যক্তি হিচাপে চিহ্ণিত হৈছে নৱনির্বাচিত ৰাষ্ট্রপতি ড’নাল্ড ট্রাম্প৷