🔹 আমেৰিকাৰ ঐতিহাসিক স্থানত ‘ৰামলালা দর্শন’
বিশেষ বাৰ্তা, ৯ জানুৱাৰী : “অযোধ্যাত ৰাম মন্দিৰ উদ্বোধনৰ লাইভ সম্প্রচাৰ হ’ব নিউয়র্কৰ ঐতিহাসিক টাইমছ স্কোৱাৰত৷ এক সূত্রই সদৰী কৰা অনুসৰি, আগন্তুক ২২ জানুৱাৰীত নিউয়র্কৰ ঐতিহাসিক টাইমছ স্কোৱাৰত দেখুওৱা হ’ব ৰামলালাৰ প্রাণ প্রতিষ্ঠা৷ ইয়াৰ উপৰি বিভিন্ন দেশৰ ভাৰতীয় দূতাৱাসবোৰতো ৰাম মন্দিৰৰ উদ্বোধনী অনুষ্ঠান দেখুওৱা হ’ব৷ উল্লেখনীয় যে ৰাম মন্দিৰ উদ্বোধনী অনুষ্ঠানত ভাষণ দিব প্রধানমন্ত্রী নৰেন্দ্র মোদীয়ে৷ ৰাম মন্দিৰ উদ্বোধনো কৰিব প্রধানমন্ত্রীগৰাকীয়ে৷ ইতিমধ্যে ৰাম মন্দিৰৰ উদ্বোধন সম্পর্কত সমস্ত তথ্য জানিব বিচাৰিছে প্রধানমন্ত্রীয়ে৷ কাৰণ ৰামলালাৰ প্রাণ প্রতিষ্ঠাৰ সময়ত যিবোৰ ধর্মীয় ৰীতি আছে, মোদীয়ে সেই সকলোবোৰ নিষ্ঠাসহকাৰে পালন কৰিবলৈ ইচ্ছা প্রকাশ কৰিছে ৷