বিশেষ বাৰ্তা, ৭ অক্টোবৰ : আধাঘণ্টাৰ ভিতৰতে তিনিটা ভূমিকম্পৰ জোকাৰণি আফগানিস্তানত৷ দিনৰ ১২.১১ বজাৰ পৰা ১২.৪২ বজালৈ তিনিটা ভূমিকম্পৰ জোকাৰণিয়ে দেশখনৰ পশ্চিম প্রান্তৰ নাগৰিকক আতংকিত কৰি তোলে৷ ৰাষ্ট্রীয় ভূমিকম্প কেন্দ্রৰ তথ্য অনুসৰি ১২.১১ বজাত ৬.১, ১২.১৯ বজাত ৫.৬ আৰু ১২.৪২ বজাত ৬.২ প্রাবল্যৰ ভূমিকম্পৰ জোকাৰণি অনুভূত হয়৷ নেপাল, ভাৰতৰ পিছত সপ্তাহটোৰ ভিতৰতে এছিয়াৰ আন এখন দেশ আফগানিস্তানত ভূমিকম্পৰ জোকাৰণিয়ে শংকাৰ সৃষ্টি কৰিছে৷