নিউজ ডেস্ক, ২৭ জানুৱাৰী : ২০২৪ চনত ১৮খন আন্তর্জাতিক টি–২০ মেচ খেলা ভাৰতৰ সুদক্ষ বলাৰ অর্শদীপ সিঙে দখল কৰিছে ৩৬টা উইকেট৷ ২০ অভাৰৰ ক্রিকেটত সাধাৰণতে বেটাৰসকলে আধিপত্য বিস্তাৰ কৰে৷ কিন্তু অর্শদীপে দুর্দান্ত বলিঙেৰে ধাৰাবাহিকভাৱে উন্নত প্রদর্শন দাঙি ধৰি আহিছে৷ বিগত বর্ষত তেওঁৰ এনে উন্নত প্রদর্শনৰ বাবেই আইচিচিয়ে স্বীকৃতি প্রদান কৰিলে৷ প্রতিখন মেচত গড়ে দুটাকৈ উইকেট দখল কৰা দ্রুতবেগী বলাৰগৰাকীয়ে বিশ্বকাপতো ৮খন মেচ খেলি লাভ কৰিছিল ১৭টা উইকেট৷ আমেৰিকাৰ বিৰুদ্ধে ৯ ৰানত চাৰিটা উইকেট দখল কৰিছিল তেওঁ৷ ইডেনত ইংলেণ্ডৰ বিৰুদ্ধে টি–২০ মেচত ৯৭সংখ্যক উইকেট দখল কৰা অর্শদীপক আইচিচিয়ে বর্ষশ্রেষ্ঠ ক্রিকেটাৰৰ সন্মান প্রদান কৰিছে৷