বিশেষ বাৰ্তা, ২১ অক্টোবৰ : বাংলাদেশৰ বিপক্ষে জয়লাভ কৰাৰ পাছত অংক অনুসৰি ভাৰতে পইণ্ট তালিকাত শীর্ষ স্থান লাভ কৰিব লাগিছিল৷ কিন্তু বিৰাট কোহলিৰ শতৰানৰ অপেক্ষাৰ বাবেই সেই সুযোগ হেৰুৱালে ভাৰতে৷ ৫১টা বল বাকী থকা অৱস্থাত মেচখনত বিজয়ী হয় ৰোহিত বাহিনী৷ কিন্তু মেচখন বহু আগতেই জয় কৰা উচিত আছিল৷ ভাৰত আৰু বাংলাদেশৰ মেচখনৰ পূর্বে চাৰিখন মেচত ৮ পইণ্ট আৰু+১.৯২৩ ৰান ৰেটেৰে ১ নম্বৰত আছিল নিউজিলেণ্ড৷ ইয়াৰ বিপৰীতে এখন মেচ কম খেলি ভাৰতৰ ৰান ৰেট আছিল+১.৮২১৷ কালি মেচখনত শেষৰ ফালে দ্রুত ৰান কৰি বিজয়ী কৰাব পাৰিলেহেঁতেন কে এল ৰাহুলে৷ কিন্তু কোহলিৰ শতৰানৰ অপেক্ষাত বহু বল নষ্ট হয়৷