নিউজডেস্ক, ২৩ ডিচেম্বৰঃ অব্যাহত আছে ঝাৰখণ্ড বিধান সভা নিৰ্বাচনৰ ভোটগণনা প্ৰক্ৰিয়া । পুৱা ১১ বজালৈকে ঝাৰখণ্ড মুক্তি মর্চা (জেএমএম) নেতৃত্বাধীন মিত্ৰজোঁটে ৮১ খন আসনৰ ভিতৰত ৪২ খন আসনত অগ্ৰগতি লাভ কৰি আছে ।
জেএমএম মিত্ৰজোঁটৰ ভিতৰত জেএমএম-এ ২৫ খন আসন লাভ কৰি থকাৰ বিপৰীতে ১২ খন আসন কংগ্রেছে আৰু ৫ খন আসন আৰজেডি-এ লাভ কৰিছে ।
য’ত শাসকীয় দল বিজেপিয়ে মাত্ৰ ২৯ খন আসনত অগ্ৰগতি লাভ কৰিছে ।
Counting of votes for #JharkhandAssemblyPolls is underway. As per official Election Commission trends, BJP is currently leading on 29 seats and Congress-JMM-RJD alliance on 42 seats (JMM 25, Congress 12 and RJD 5) pic.twitter.com/x61rSlv95C
— ANI (@ANI) December 23, 2019
এগজিট পোলৰ মতে ৰাজ্যখনৰ বিধানসভা নিৰ্বাচনত ঝাৰখণ্ড মুক্তি মর্চা (জেএমএম) নেতৃত্বাধীন মিত্ৰজোঁটে চৰকাৰ গঠন কৰাৰ সম্ভাৱনা আছিল ।
উল্লেখ্য যে ঝাৰখণ্ডত ৩০ নৱেম্বৰৰ পৰা ২০ ডিচেম্বৰ পর্যন্ত মুঠ ৫ টা পৰ্যায়ত ৮১ খন আসনযুক্ত বিধানসভা নিৰ্বাচনৰ ভোটগ্ৰহণ অনুষ্ঠিত হৈছিল । য’ত ৬৫.১৭ শতাংশ ভোটাধিকাৰ সাব্যস্ত হয় ।