নিয়মীয়া বাৰ্তা, ৩১ ডিচেম্বৰঃ প্রাক্তন মার্কিন ৰাষ্ট্রপতি বাৰাক অ’বামা এগৰাকী দক্ষ ৰাজনীতিবিদ বা প্রশাসকেই নাছিল৷ অ’বামা এগৰাকী অধ্যৱসায়ী ব্যক্তিও৷ বিশ্বৰ বিভিন্ন গ্রন্থ অধ্যয়ন কৰে নেতাগৰাকীয়ে৷ চলিত বর্ষত অ’বামাই অধ্যয়ন কৰা গ্রন্থসমূহৰ মাজৰ পৰা ১৯খন অতি মনোগ্রাহী বুলি চিনাক্ত কৰিছে৷ পুঁজিবাদৰ পৰা অর্থনীতিৰ উত্থান–পতনলৈ, নাৰীবাদৰ পৰা ব্রিটেইনৰ আন্দোলনলৈ বিভিন্ন বিষয়ৰ ওপৰত গ্রন্থ অধ্যয়ন কৰি অ’বামাই ১৯খন গ্রন্থক অতি মনোগ্রাহী আৰু বিশ্ববাসীৰ বাবে প্রয়োজনীয় বুলি অভিহিত কৰিছে৷ এই গ্রন্থসমূহৰ ভিতৰত আছে ‘দ্য এজ অৱ ছার্ভিলেন্স কেপিটেলিজম’, ‘দ্য এনার্কি’, ‘ফিউৰিয়াছ আৱার্ছ’কে ধৰি কেইবাখনো বিখ্যাত গ্রন্থ৷ এই গ্রন্থসমূহ ইতিমধ্যে বিভিন্ন ভাষালৈ অনূদিত হৈছে৷ স্মর্তব্য যে এগৰাকী দক্ষ ৰাজনীতিক হ’বলৈ হ’লে অধ্যয়ন অতি জৰুৰী বুলি ঘোষণা কৰি আহিছে বাৰাক অ’বামাই৷